عبدالنبي عبدالرحمن
يكتب ✍️
الي الباشا طبيق مستشار حميتي ووزير النفط في حكومة تحشيش بما انك فتحت الموضوع دا فيبقي الرد عليك من باب احقاق الحق وعشان الشعب يعرف الحقائق
♦️اولا
دايرك تعرف ان الخلاف بيني وبينك ليس شخصي ولكن بما انك سالتني باني تخليت عن قريتي المتواضعة في غرب كردفان ابوتولو نفس الاسباب الخلتك انت خليت بيتك سطوح وشقي عمرك في مرابيع الشريف وتم تصويرة ونشرة في القنوات كل العالم شاهد ذلك هي نفس الاسباب الخلتني ما امشي قريتي وبما انك وصفتني بانني فلنقاي فانا لم اكن يوما فلنقاي لاحد وانا شخص سوي اتمتع بكامل الاهلية والحرية في اختياري وانا قدر القرار الذي اتخذته وموقفي الاخلاقي تجاه الشعب السوداني ان لا اسرق اموالهم لان حق المسلم علي المسلم حرام دمة وماله وعرضة ووعدي مع نفسي ان اعيش علي عرق جبيني اعمل موظف لم اكن يوما لحاس لبالب او (رغال ) ولا متسلق سلطة امكانياتي واثق منها تماما و تاريخي التنظيمي والحزبي احمد الله عليه ناصع البياض لم اكن وزير لاكل مال الشعب وثقتي في نفسي انني قائد اذا مارست عمل حزبي او اذا جلست في منزلي ويكفي ذلك انك وزير في حكومة دقلو اخوان و لم تستطيع ان تتجاوز محطتي لانك تعلم علم اليقين ان صمتي منكم ليس عجز ولكن لحسابات اجتماعية اعرفها جيدا ولو اشتغلت معاكم سياسة عديل ببقي ليكم دا القندول الشنقل الريكة وبجبد منكم هشيم كبار و بخليكم في الرماد وانت عارف كدا كويس وايدي مدخلها في الدعم السريع حقكم دا للاباط اعرف ما عجز عن معرفته الكثيرون ويكفيني فخرا انك في يوم من الايام وقبل اندلاع حرب ال دقلو طلبت مني ان اسجل لك الشباب الخريجين من ابناء القبيلة عشان يمشوا دورات تدريبية لصالح الدعم السريع في دولة روسيا حسب زعمك وانا رفضت الفكرة اخبرتك اني ما مختنع بمشروع حميدتي من البداية وقبل اندلاع حربكم هذه اما من ناهية التاهيل العلمي فاحمد الله احمل درجة بكلاريوس والان ادرس الماجستير و قريبا سوف اناقش الرسالة ولست فاقد تربوي .
♦️ثانيا
بما انك فتحت سيرة الفلقنة دي انت بذات نفسك الان فلنقاي لال دقلو وقبل اندلاع هذه الحرب كنا مع بعض نعرف خبايا واسرار بعض جيدا دون رتوش واعيد لك شريط الزكريات اخر شخص التقيته من الاهل قبل مغادرتي السودان عند بوابة القصر الجمهوري كنت انت لقيتك وانت شايل تصور باسم منظمتك ( المنظمة السودانية الوطنية للتنمية )( snod )كنت ذاهب الي عضو مجلس السيادة( يوسف جاد كريم) عشان يصدق ليك مبلغا من المال ولانك بعد سقوط الانقاذ اصبحت تتسول المؤسسات في نفس الجلسة جمعتك بالرائد دعم سريع (جنابو عوض الله ..)الذي كان يتبع الي ادارة الاستثمار بالدعم السريع ولاحقا بعد اندلاع الحرب كان قائد منطقة المهندسين وتم استهدافة بمسيرة وقتل هنالك
انا يا الباشا لم اتنكر للفكرة التي اؤمن بها مثلك انت يا الباشا الانقاذ دلعتك شخص لا يملك اي مؤهل اعطتك صفة قيادي حزبي وامين عام للمجلس الاعلي للشباب والرياضة بدرجة وزير ثم موظف في المنسقية العامة للخدمة الوطنية ومنسق لمحلية ام دم حاج احمد وعندما اكتشفوا انك لا تملك مؤهل علمي تم فصلك ثم لاحقا تمت اعادتك بوظيفة جرسون او مراسل سيرك جزي الله الدكتور عيسي بشري علي اهتمامة بك ثم الانقاذ فتحت لك مساحة للاستثمار عبر شركتك شركة (فابكو للانشطة المتعددة المحدودة ) التي تم منحك عبرها مشروعات عرفت بالمشروعات الصفرية في ولاية غرب كردفان والكل يعلم حقيقة هذه المشروعات وحجم الفساد الذي مورس فيها في عهد الواليين ( احمد خميس وابوالقاسم بركة ) ماذا قدمتم للاهل من اجل التنمية وحقوقهم في البترول الذي تتباكون عليه اليوم انتم من اكلتم مال تنمية غرب كردفان كتلتوا الكتيل والان جايين تبكوا في الجنازة وتصفوا الناس بالفلنقة انتم يا الباشا كنتوا ماسكين البقرة والجماعة بحلبوا
♦️ثالثا
عندما اندلعت الحرب يا طبيق كنا علي تواصل وحينها انت كنت محايد وطلعت في قناتي العربية والحدث علي اساس انك محلل سياسي ومحايد نصحتك في مكالمة مطولة قلت ليك ناس حميتي واخوانة ديل لما كانت عندهم السلطة والمال ما اشتغلوا بيك وكانوا مخلينك لافي في السوق العربي فما تبقي شعبة شوك يشيلوك راس الحلوف وعدتني حينها بانك ليس لك اي علاقة بالدعم السريع وايضا نصحتك في القروب الاجتماعي للاهل في المنتدي بعدها بايام تفاجأت بيك لافي كدمول في القناة ايضا نصحتك والي تلك اللحظة كنت اظن فيك خير ثم بعدها بايام عندما اشتدت المعارك اتصلت علي قلت داير ليك زيارة الي المملكة العربية السعودية قلت ليك صعب انها تطلع لان الاجراءات كانت موقوفة
بعد فترة قتل ابنك حميدان الباشا محمد الباشا طبيق اتصلت عليك عزيتك من باب الواجب الاجتماعي وحينها انت تفاجأت اني لقيت الخبر من وين ونصحتك ان تتخلي عن هذا المشروع الفاشل الذي افقدك ابنك وفلذة كبدك.
في العام 2024م سافرت انا اجازة الي السودان والتقيت جزء من قيادة الدولة وجهاز المخابرات وكانت هنالك لجنة للتواصل مع القيادات من ابناء المسيرية وعرض علي التواصل معك بحكم العلاقة البيني وبينك والتفاوض معك اتصلت عليك واخبرتك رأي قيادة الدولة وسالتك من السبب الخلاك تتمرد لقيت اسبابك كلها تافهة ولا ترتقي الي ان تكون اسباب موضوعية لانك ذكرت لي ( انك اصبت في مظاهرات30 يونيو وناس الحزب ما عالجوك – وذكرت لي الاجتماعات التي تتم في مؤسسات الحزب والحركة ومافي زول اشتغل بيك بعد سقوط الانقاذ وتحدثت لي عن مجموعة علي كرتي والغرب والشمال ثم ذكرت لي الشباب الذين تم اختطافهم من الحركة الشعبية ومافي زول من الاخوان اتصل عزاك في الشهداء والدولة ما وقفت معاك في ارجاعهم عدا حميتي حينها ردي ليك كان حميتي دا نائب الرئيس وبمثل الحكومة اما الحزب كان مطارد وما بملك سلطة كانت كل اسبابك تنظيمية و حزبية بحتة ما عندها علاقة بالدولة لو اعتمدناها اسباب اصلا ….) بعد داك عرضت عليك انك تجي تسلم واتفاوضت معاك مقابل مبلغ من المال حينها قلت لي انا يا عبدالنبي فقدت ولدي مهما تدفعوا لي مبلغ ما بساوي ولدي وسالتك قلت ليك هل اذا بقيت قاعد مع ناس الدعم السريع حيجيبوا ليك ولدك راجع وما كان عندك رد وقلت ليك الانسان المات دا خلاص مات وتاني مابجي دا كان حواري معاك.
بعدها بايام يا الباشا اتصلت علي عبر برنامج بوتيم واخبرتني انك جاي العمرة من ابوظبي وسالتني عن فتوي دينية متعلقة بميقات الاحرام من وين قلت ليك احرم من المطارابوظبي بعد وصلت المملكة اتصلت علي بهاتف سعودي رقم الهاتف 0596586783 قلت لي انا الباشا وصلت العمرة ومعي ابني محمد المصطفي الباشا وطلبت مني ان نتقابل اخبرتك اني مشغول في العمل ومافي مساحة الاقيك بعدها انت سافرت الي يوغندا
وشاركت في مؤتمر نيروبي لتحشيش وبعد ان اقريتم اقليم جنوب كردفان جبال النوبة اتصلت عليك وقلت ليك بيعتوا اهلكم للحركة الشعبية انت اقريت ان تم تغييبكم في المؤتمر وعبدالعزيز الحلو تمسك ليكم ان حدودهم الحجيرات البيض انا سالتك قلت ليك الحجيرات البيض دي حجار سيجا والسواني وبكدا انتوا سلمتم ابنلء جبال النوبة دار المسيرية وبعدها اجتمعتم انت وفضل الله برمة وحامد النويري وصالح جمعة واخرين من ابناء غرب كردفان مع عبدالرحيم طاحونة وتمت التسوية بينكم هذه حقيقة لازم يعرفها ابناء المسيرية من الذي باعهم وباع ولايتهم لعبدالعزيز الحلو ولابناء النوبة ومن قبض الثمن
♦️رابعا
يا الباشا الزول كان سوي ليهوشوية قريشات ولا سلطة ما يفتري علي الناس انا رغم فلقنتي دي كنت ماسك ليك مصاريفك بعد سقوط الانقاذ عندما سافرت انا الي المملكة كنت بصرفك من مرتبي البسيط دا ولدينا اشعارات تعلمونها جيدا
ثم اختم لك بالمثل الشعبي البيقول
( كترة السراويل ما بتودر ريحة اللويص )
وللقصة بقية
